8 наурыз мерекесіне құттықтау

Бейнесі көркем, сыңғырлы шашбау, сырғалы,

Әрқашан биік сақталған бойда ізгі ары.

Баян Сұлу мен Еңліктердің жалғасы

Мерекеңізбен, қазақтың қайсар қыздары!

Жазасың алғаш өмірдің жаңа дастанын,

Асығыс жүріп аяқты шалыс баспағын.

Ағалап әр кез алдымнан күтіп алатын

Мерекеңізбен, қара көз қарындастарым!

Ақылшым қылып өзіңмен кейде кеңесем,

Ренжімес ағам сұлуға сені теңесем.

Төредей көріп төрінен орын беретін

Мерекеңізбен, жып-жылы жүзді жеңешем! 

Өлшеуге келмес теңесең барға бағасын,

Қызғыштай қорып бауырға басқан баласын.

Күлімдеп қана бейнесі тұрар алдымда

Мерекеңізбен, аяулы менің анашым! 

                              Хасан Оралхан

Құрметті, нәзік жандылар!

8 Наурыз мерекесі құтты болсын! Баршаңызға асыл армандардың орындалуын, жан жадыратар қуаныштың мол болуын, отбасы бақыты мен берекесі сарқылмауын, денсаулықтың мұқалмауын тілейміз!